محی الدین اسلامک یونیورسٹی

آزاد جموں و کشمیر کی قانون ساز اسمبلی سے 1999 میں پاس ہونے والے ایک بل کے نتیجے میں محی الدین اسلامک یونیورسٹی نیریان شریف کا قیام عمل میں آیا۔ اس یونیورسٹی کے قیام کا مقصد ایسے گریجویٹس کو تیار کرنا تھا جو اسلامی تعلیمات کے ساتھ ساتھ جدید علوم سے بھی وافیقت رکھتے ہوں اور نئے ہزاریے کے تقاضوں سے ہم آہنگ ہو کر معاشرے میں بہتری کے لیے اپنی خدمات انجام دے سکیں۔ اس یونیورسٹی میں پڑھائے جانے والے علوم اور مضامین کی توثیق ہائیر ایجوکیشن کمیشن آف پاکستان کی جانب سے کی جاتی ہے۔ یہاں پڑھنے والے طلبا کو دی جانے والی ڈگریز، ڈپلومہ اور سرٹیفکیٹس پاکستانی یونیورسٹیز کی نمائندگی کرتے ہیں۔