پیپلزیونیورسٹی آف میڈیکل اینڈ ہیلتھ سائنس فار ویمن

سابق وزیراعظم پاکستان شہید ذوالفقار علی بھٹو کے وژن کے عین مطابق نواب شاہ میں خواتین کے لیے انفرادی طور پر ایک میڈیکل کالج قائم کیا گیا جس کا نام پیپلزمیڈیکل کالج رکھا گیا اور اس کا باضابطہ آغاز اپریل 1974 میں ہوا۔ اس میڈیکل کالج سے 6 ہزار سے زائد لیڈی ڈاکٹرز گریجویشن کی ڈگری حاصل کر چکی ہیں۔ یہاں پوسٹ گریجویٹ ٹریننگ کا آغاز 2004 میں ہوا اور تب سے لے کر اب تک 600 سے زائد پوسٹ گریجویٹ طالبات مختلف شعبہ جات میں ٹریننگ مکمل کرچکی ہیں۔ ابتدا میں اس کالج کو مسلم بورڈنگ ہاؤس کی مرکزی عمارت کے ساتھ عارضی طور پر ڈسٹرکٹ کونسل ہائی اسکول کے ایک حصے میں قائم کیا گیا تھا جس میں ہاسٹل اور آڈیٹوریم کی سہولیات موجود تھیں۔