یونیورسٹی آف مالاکنڈ

پاکستان کے صوبہ خیبرپختونخوا میں واقع پبلک سیکٹر یونیورسٹیز میں سے ایک اہم تعلیمی ادارہ یونیورسٹی آف ملاکنڈ بھی ہے جسے 30 اگست 2001 کو گورنر خیبرپختونخوا کے جاری کردہ ایک چارٹر کے تحت قائم کیا گیا جس کی توثیق ہائر ایجوکیشن کمیشن آف پاکستان، اسلام آباد کی طرف سے کی گئی۔ یونیورسٹی آف ملاکنڈ میں زیرِ تعلیم اسٹوڈنٹس میں فضیلت کے حصول، کردار سازی، چھان بین کے جذبے، ریسرچ، لگن اور جوش و خروش کو ابھارنے کے لیے تعلیم و تربیت فراہم کی جاتی ہے تاکہ وہ اپنی تعلیم مکمل کرنے کے بعد ملک و قوم کی خدمت اور تعمیر و ترقی میں اپنا کردار ادا کرسکیں۔