یونیورسٹی آف لاہور

یونیورسٹی آف لاہور کو اپنی تدریسی سہولیات اور تحقیقی سرگرمیوں میں فضیلت کی بنا پر عالمی سطح پر تسلیم کیا جاتا ہے۔ علم و تحقیق کے فروغ کے لیے کی جانے والی اپنی انہی کاوشوں کے باعث یونیورسٹی آف لاہور کو کیو ایس ایشیا ریٹنگ کی جانب سے پاکستان میں سرگرم اعلیٰ ترین جامعات میں چھٹے نمبر پر رکھا گیا ہے، جبکہ ہائر ایجوکیشن کمیشن آف پاکستان کی جانب سے یونیورسٹی آف لاہور کو سب سے اوپر کے زمرے میں رکھا گیا ہے اور درجہ بندی میں ڈبلیو 4 درجہ دیا گیا ہے۔ اس یونیورسٹی میں واقع انسٹیٹیوٹس ایک بین الاقوامی معیار کی یونیورسٹی کے تمام معیارات اور تقاضوں کو پورا کرتے ہیں۔ یونیورسٹی آف لاہور کا مرکزِ نگاہ پروفیشنل اور ٹیکنیکل ایجوکیشن کا فروغ ہے کیونکہ یہ شعبہ جات ملک کی ترقی اور معیشت کی نشوونما میں اہم کردار ادا کرتے ہیں۔