لاہور گیریزن یونیورسٹی

لاہور گیریزن یونیورسٹی ایک نجی یونیورسٹی ہے جو پاکستانی پنجاب کے دارالحکومت لاہور میں واقع ہے۔ یہ یونیورسٹی پاک آرمی نے قائم کی۔ یونیورسٹی کے دو کیمپس ہیں جو ڈی ایچ اے ٹاؤن شپ اور لاہور کینٹ میں واقع ہیں۔ یونیورسٹی مختلف مضامین میں انڈر گریجویٹ، پوسٹ گریجویٹ، ماسٹرز، ایم فِل اور پی ایچ ڈی کراتی ہے۔ یہ یونیورسٹی اہم ،کامیاب اور کثیر المضامین ڈگری پروگرام میں تعلیم دیتی ہے۔۔ یونیورسٹی ڈیجیٹل فارنزک ریسرچ اور سروسز کا مرکز بھی قائم کر رہی ہے۔۔ یہ ملک میں اپنی نوعیت کی پہلی ڈیجیٹل فارنزک لیبارٹری ہوگی۔ ایل جی یو نے مختلف تنظیموں کے ساتھ مفاہمت کی یاد داشتوں پر دستخط کئے ہیں۔ یونیورسٹی میں زیر تعلیم چار ہزار سے زائد طلبہ کو اٹھارہ مختلف شعبوں میں تین سو اعلی تعلیم یافتہ اساتذہ پڑھاتے ہیں جبکہ یہ یونیورسٹی 25 پیشہ ورانہ کورسز میں تعلیم کی پیش کش کرتی ہے۔۔