لاہور کالج فار ویمن یونیورسٹی

لاہور کالج فار ویمن یونیورسٹی ایک سرکاری یونیورسٹی ہے جو پنجاب کے صوبائی دارالحکومت لاہور میں واقع ہے۔ یہ یونیورسٹی مئی 1922 میں خواتین کے کالج کے طور پر قائم ہوئی۔ ابتدا میں ہال روڈ پر واقع اس یونیورسٹی میں صرف 60 طالبات تعلیم حاصل کررہی تھیں۔ یہ پاکستان میں خواتین کی تعلیم کے لیے مختص قدیم ترین اداروں میں سے ایک ہے۔۔ اور آج اس یونیورسٹی میں 15ہزار سے زائد طالبات زیر تعلیم ہیں جبکہ یہاں پڑھانے والے اساتذہ کی تعداد 450 ہے۔۔ یہاں طالبات کو انٹر میڈیٹ، بیچلرز، ماسٹرز اور پی ایچ ڈی کے لیول کی تعلیم دی جاتی ہے۔