فاطمہ جناح میڈیکل یونیورسٹی

فاطمہ جناح میڈیکل یونیورسٹی کا نام مادر ملت محترمہ فاطمہ جناح کے نام سے منسوب ہے۔۔ یہ پاکستان کے شہر لاہور میں قائم ہے۔۔ فاطمہ جناح یونیورسٹی سر گنگا رام اسپتال سے منسلک ہے۔ یہ طبی ادارہ خواتین کو ڈاکٹری کی پوسٹ گریجویٹ تک تعلیم و تربیت فراہم کرنے کے علاوہ ملک کی خواتین آبادی کو بالعموم لاہور اور قرب و جوار کی خواتین کو خاص طور پر صحت کی سہولتیں فراہم کرتا ہے۔۔ یہ اب صحت کی دیکھ بھال کرنے کا ایک اہم یونٹ بن چکا ہے۔ فاطمہ جناح میڈیکل یونیورسٹی نہ صرف پاکستانی طالبات کو تربیت فراہم کرتی ہے بلکہ یہاں تمام مسلمان ممالک اور دوست ملکوں کی طالبات اور ماہرین اطفال بھی تربیت حاصل کرتی ہیں۔ اس ادارے سے اب تک 8500 طالبات گریجویشن کر چکی ہیں۔