ٹیکسٹائل انسٹیٹوٹ آف پاکستان

ٹی آئی پی کے مختصر نام سے مشہور اس ادارے کو 1994 میں آل پاکستان ٹیکسٹائل مینوفیکچررز ایسوسی ایشن (ایپٹما) اور یونیورسٹی آف کلیمسن کی باہمی کوششوں کے نتیجے میں قائم کیا گیا۔ سندھ حکومت کی جانب سے 2001 میں ٹی آئی پی کو ڈگری تفویض کرنے والے ادارے کی حیثیت دی گئی جس کی توثیق 2007 میں ہائر ایجوکیشن کمیشن آف پاکستان کی جانب سے کی گئی۔ ٹیکنیکل ٹیکسٹائلز کے شعبے میں ریسرچ اور اختراعات کے لیے ٹی آئی پی کے اندر ہی ایک شاندار تحقیقی مرکز قائم کیا گیا جسے ٹیکسٹائل ریسرچ اینڈ انوویشن سینٹر (ٹی آر آئی سی) کا نام دیا گیا۔ ٹی آئی پی کا نصاب اور کورسز کلیمسن یونیورسٹی کی فیکلٹی کی جانب سے تیار کئے جاتے ہیں، جبکہ ڈگری ایوارڈنگ کے سلسلے میں امریکا کی کلیمسن یونیورسٹی اور ٹی آئی پی کے درمیان اسٹوڈنٹس ایکسچینج پروگرام بھی فعال ہے۔