نذیر حسین یونیورسٹی

نذیر حسین یونیورسٹی کا قیام 2012 میں عمل میں آیا۔ یہ ایک نجی اور تحقیق پر مبنی یونیورسٹی ہے جس کا عزم غریب و نادار اور متوسط طبقے کی اعلیٰ اور معیاری تعلیم تک رسائی کو یقینی بنانا ہے۔ نذیر حسین یونیورسٹی کے قیام میں برطانیہ کے ایک رجسٹرڈ خیراتی ادارے دا سوسائٹی فار دا ان ویل اینڈ نیڈی (سن) کی جانب سے مالی معاونت فراہم کی گئی۔ اس یونی ورسٹی کے قیام کے لیے 1999 میں صوبائی اسمبلی میں ایک بل پیش کیا گیا جسے معمولی بحث مباحثے کے بعد 17 جون 1999 کو اسمبلی نے پاس کیا اور اس یونیورسٹی کے قیام کی راہ ہموار ہوئی۔