جناح سندھ میڈیکل یونیورسٹی

جناح سندھ میڈیکل یونیورسٹی کو سندھ کی سب سے بڑی میڈیکل یونیورسٹی ہونے کا اعزاز حاصل ہے۔ یہاں شعبہ طب کی اعلیٰ اخلاقیات کے ساتھ اسٹوڈنٹس کو ماڈرن ایجوکیشن سے آراستہ کیا جاتا ہے۔ یہ سندھ کی پہلی پبلک سیکٹر میڈیکل یونیورسٹی ہے جہاں طلبا کے لیے آن لائن کورسز، کمپیوٹرائزڈ ایگزامز، ورچوئل کیمپس، وائی فائی، ویڈیو کانفرنسنگ، ڈیجیٹل لائبریری سمیت متعدد سہولیات موجود ہیں۔ یہاں کم قیمت پر دانتوں کے علاج کی سہولت دستیاب ہے اور ایک دن میں 200 سے زائد مریضوں کا علاج کرنے کی گنجائش ہے۔ سن 2018 میں یہاں سے میڈیکل اور الائیڈ ہیلتھ سائنسز کے شعبے میں گریجویٹ ہونے والے 525 ڈاکٹروں نے کانووکیشن کے دوران حلف اٹھایا کہ وہ انسانیت کو مقدم رکھتے ہوئے طب کے شعبے میں اپنی خدمات سر انجام دیں گے۔