دادا بھائی انسٹیٹیوٹ آف ہائر ایجوکیشن

دادابھائی انسٹیٹیوٹ آف ہائر ایجوکیشن (ڈی آئی ایچ ای) کو 2003 میں قائم کیا گیا اور حکومتِ سندھ کی جانب سے سندھ اسمبلی کے ایک ایکٹ کے تحت اسے ڈگری دینے والے ادارے کی حیثیت سے چارٹر دیا گیا۔ اپنے بہترین تعلیمی پروگرامز، اعلیٰ تعلیم یافتہ فیکلٹی اور سہولیات کی فراوانی کے باعث 2005 میں ڈی آئی ایچ ای کو ہائر ایجوکیشن کمیشن کی طرف سے ڈبلیو، اے کیٹیگری میں شامل کیا گیا۔ دادا بھائی انسٹیٹیوٹ اپنے اسٹوڈنٹس کے منفرد تعلیمی تجربہ کو یقینی بنانے کے لیے مطالعات کے مختلف شعبوں میں تعلیمی فضلیت کو مربوط کرنے کا خواہش مند ہے۔ ملک کے اس نامور تعلیمی ادارے میں پیش کردہ تمام پروگراموں میں مختلف تکنیکی اور ثقافتی اقدامات کے ساتھ ساتھ اقدار پر مبنی تعلیمی نظام اور بہترین تدریسی طریقوں کو بھی ملحوظِ خاطر رکھا گیا ہے۔