نیشنل ڈیفینس یونیورسٹی-

نیشنل ڈیفینس یونیورسٹی ایک پبلک فنڈنگ ملٹری انسٹیٹیوشن ہے جو پاکستان کے دارالحکومت اسلام آباد میں واقع ہے، اسے این ڈی یو کے مختصر نام سےبھی جانا جاتا ہے۔ پاکستان کا یہ نام ور ادارہ ملٹری سائنس، جیو اسٹریٹجی اور انٹرنیشنل ریلیشنز کے شعبہ جات میں تعلیم و تربیت اورتحقیقی سرگرمیوں کے لیے وقف ہے۔ 1970 میں اس ادارے کو اسٹاف کالج کے طورپر قائم کیا گیا تھا جسے 2007 میں یونیورسٹی کا درجہ دیا گیا۔ پاک فوج کے تعاون سے اس اہم تعلیمی ادارے میں ملک کی دفاعی حکمتِ عملی اور نیشنل سیکورٹی کے بارے میں مضامین پڑھائے جاتے ہیں۔ این ڈی یو کو پاکستان کی ڈیفینس منسٹری کی طرف سے مالی معاونت فراہم کی جاتی ہے۔