مسلم یوتھ یونیورسٹی

پاکستان کے دارالحکومت اسلام آباد کے مضافات میں واقع مسلم یوتھ یونیورسٹی ایک پرائیویٹ ریسرچ یونیورسٹی ہے جس کا مقصد سماج کی بہتری کے لیے سوشل، اکنامک اور روحانی طور پر طلبا کی فکر کو بہتر بنانا ہے۔ مستقبل کے تقاضوں کے پیشِ نظر ایسے پڑھے لکھے نوجوانوں کو سامنے لانا ہے جو ریسرچ اور ڈیولپمنٹ کے شعبوں میں نت نئی اختراعات کرسکیں اور سوسائٹی کو درپیش مسائل کی نہ صرف نشاندہی کرسکیں بلکہ ان مسائل کے خاتمے میں بھی اپنا موثر کردار ادا کرسکیں۔ یونیورسٹی انتظامیہ کا کہنا ہے کہ ہم صرف امتحان پر مبنی تعلیم پر فوکس کرنے کے بجائے پروجیکٹ پر مبنی سیکھنے کے عمل اور مسائل حل کرنے پر توجہ دیتے ہیں۔ ہمارا طرزِ تعلیم اساتذہ پر توجہ مرکوز کرنے کے بجائے طالب علموں کو مرکوز کرنے پر ہے جس میں واضح طور پر بیان کردہ پروگرامز کے نتائج ہوتے ہیں جو کورس کے سیکھنے کے نتائج پر نقش ہوجاتے ہیں۔