علامہ اقبال اوپن یونیورسٹی

علامہ اقبال اوپن یونیورسٹی کا قیام مئی 1974 میں عمل میں آیا۔ اس ادارے کا عزم ایسے طالب علموں کو مزید تعلیم حاصل کرنے کی سہولتیں فراہم کرنا ہے جو پڑھنا چاہتے ہیں مگر کسی وجہ سے اپنے گھر سے نہیں نکل سکتے یا ایسے ملازمت پیشہ لوگ جو مزید تعلیم کے لئے کسی ریگولر جامعہ میں داخلہ نہیں لے سکتے وہ علامہ اقبال اوپن یونیورسٹی کے فارم پُر کرکے کسی بھی بڑی کلاس میں داخلہ لے سکتے ہیں ایسے طلبا کو گھر بیٹھے نصاب فراہم کردیا جاتا ہے اور وہ اپنی سہولت کے مطابق متعلقہ مضامین کی تیاری کرکے امتحان دے سکتے ہیں۔ گزرے ہوئے تمام برسوں میں اس یونیورسٹی نے اپنے اغراض و مقاصد کے عین مطابق اپنا وعدے نبھانے میں کامیابی حاصل کی ہے۔