قراقرم انٹرنیشنل یونیورسٹی

پاکستان کی وفاقی حکومت کے چارٹر کے تحت 2002 میں گلگت میں قائم کی گئی قراقرم یونیورسٹی کا دوسرا کیمپس اسکردو میں جولائی 2011 میں قائم کیا گیا جس کا افتتاح گلگت بلتستان کے چیف منسٹر سید مہدی شاہ نے کیا۔ اس کیمپس کو 2017 میں ایک علیحدہ اور خودمختار یونیورسٹی کا درجہ دے کر اس کا نام یونیورسٹی آف بلتستان رکھا گیا۔ قراقرم یونیورسٹی میں تین فیکلٹیز قائم ہیں جن میں فیکلٹی آف لائف سائنسز، فیکلٹی آف نیچرل سائنسز اینڈ انجینئرنگ اور فیکلٹی آف ہیومینیٹیز اینڈ سوشل سائنسز شامل ہیں۔ ان فیکلٹیز کے تحت انڈر گریجویٹ، گریجویٹ اور پوسٹ گریجویٹ ڈگری پروگرامز پڑھائے جاتے ہیں۔ یہاں سے ڈگری لے کر نکلنے والے گریجویٹس گلگت بلتستان میں خاص طور پر اور اس کے علاوہ ملک بھر میں تعلیم و تدریس اور دیگر شعبوں میں اپنی خدمات سرانجام دیتے ہیں۔