یونیورسٹی آف صوفی اِزم اینڈ مارڈرن سائنسز

سندھ کی صوبائی اسمبلی کی جانب سے 22 جولائی 2011 کو پیش کردہ ایک بل کے تحت یونیورسٹی آف صوفی ازم اینڈ ماڈرن سائنسز، بھٹ شاہ کے قیام کی منظوری دی گئی، جس کے بعد 31 اکتوبر 2011 کو گورنر سندھ کے جاری کردہ حکم نامے کے تحت اس یونیورسٹی کو قائم کیا گیا۔ اس یونیورسٹی کے قیام کا ویژن سابق صدر آصف علی زرداری نے پیش کیا تھا جسے 31 اکتوبر 2011 کو عمل میں لایا گیا اور صوبہ سندھ کے علاقے بھٹ شاہ میں اور اس کے اطراف رہنے والوں کے لیے معیاری اور اعلیٰ تعلیم کے فروغ کے لیے یونیورسٹی آف صوفی ازم اینڈ ماڈرن سائنسز کا قیام عمل میں آیا۔