یونیورسٹی آف سائنس اینڈ ٹیکنالوجی

لائف سائنسز، انجینئرنگ اینڈ ٹیکنالوجی، سوشل سائنسز، فزیکل سائنسز، بزنس اسٹڈیز اور ہیومینیٹیز کے شعبہ جات میں اعلیٰ تعلیم فراہم کرنے والی یونیورسٹی آف سائنس اینڈ ٹیکنالوجی، بنوں کا قیام ستمبر 2005 میں عمل میں آیا۔ اس یونی ورسٹی کے پہلے سال میں یہاں پڑھنے والے اسٹوڈنٹس کی تعداد 200 تھی۔ بعد میں یہاں انسٹیٹیوٹ آف انجینئرنگ اینڈ کمپیوٹر سائنسز اور انسٹیٹیوٹ آف مینیجمنٹ سائنسز کو قائم کیا گیا جہاں باضابطہ انٹری ٹیسٹ اور انٹرویو کے بعد اسٹوڈنٹس کو داخلہ دیا جاتا ہے۔ یونیورسٹی آف سائنس اینڈ ٹیکنالوجی، بنوں میں بیچلر، ماسٹرز اور پی ایچ ڈی پروگرام آفر کیے جاتے ہیں۔ نئی فیکلٹیز کے قیام سے یہاں پڑھنے والے اسٹوڈنٹس کی تعداد میں خاطر خواہ اضافہ ہوا ہے۔ بنوں اور اطراف کے علاقوں سے بڑی تعداد میں اسٹوڈنٹس یہاں پڑھنے کے لیے آتے ہیں۔