ایبٹ آباد یونیورسٹی آف سائنس اینڈ ٹیکنالوجی (اے یو ایس ٹی)

ایبٹ آباد، صوبہ خیبرپختونخوا کے ہزارہ ڈویژن کا ہیڈکوارٹر اور سب سے بڑا ٹائون ہے۔ ایبٹ آباد کو 1850 میں برطانوی فوج کے میجر جیمس ایبٹ نے برٹش گیریزن ٹائون کے طور پر آباد کیا تھا۔ یہاں کی قدرتی خوبصورتی، اونچے اونچے تاڑ کے درختوں، سایہ دار چناروں اور بلند و بالا کوہساروں میں گھرا ایبٹ آباد یہاں آنے والے افراد کو ایک نہ بھولنے والے تجربے سے دوچار کرتا ہے۔ قراقرم ہائی وے پر واقع ایبٹ آباد کو سٹی آف کالجز کہا جاتا ہے اور اپنے بہترین تعلیمی معیار کے باعث بھی جانا جاتا ہے۔ ایبٹ آباد کا موسم سرد ہے اور یہ خوبصورت شہر پاکستان کے دو شاندار ہل اسٹیشنز ٹھنڈیانی اور نتھیا گلی کے بیچوں بیچ واقع ہے۔