پشاور ماڈل اسکول

پشاور ماڈل ایجوکیشن انسٹیٹیوٹ (پی ایم ای آئی) کو 1979 میں اس عزم کے ساتھ قائم کی اگیا تھا کہ کم نرخوں پر معیاری تعلیم کی فراہمی کو یقینی بنایاجائے گا۔ ابتدا میں یہاں ایک پرائمری اسکول کی بنیاد رکھی گئی تھی جس کا فقط ایک کیمپس تھا اور اس میں 300 کے قریب اسٹوڈنٹس پڑھتے تھے۔ اعلیٰ تعلیم یافتہ فیکلٹی اور انتظامیہ کی مسلسل کوششوں کے نتیجے میں اس ادارے کے تحت نو علیحدہ اسکولوں کے کیمپس بن گئے۔ اس ادارے کی انتظامیہ کی انتھک کوششوں کے باعث آج لڑکوں کے لیے 3 ڈگری کالجز کے کیمپس اور لڑکیوں کے لیے 2 ڈگری کالجز کے کیمپس کام کررہے ہیں۔ پی ایم ای آئی کی تعلیم کے فروغ کے لیے پیش کردہ خدمات کے صلے میں اگست 2001 میں حکومت خیبرپختونخوا نے سٹی یونیورسٹی آف سائنس اینڈ انفارمیشن ٹیکنالوجی، پشاور کا چارٹر منظور کیا۔