انڈس اکیڈمی

انڈس اکیڈمی اپنی ایک طویل اور دلچسپ تاریخ رکھتی ہے اگست 1989 میں اس ادارے کے آغاز میں اسے بچوں کے ایک پلے اسکول اور نرسری اسکول کے طور پر قائم کیا گیا تھا جہاں صرف چار اسٹوڈنٹس داخل ہوئے تھے۔ تاہم بعد میں اس نرسری کی کامیابی، بچوں کے والدین کے اعتماد اور حوصلہ افزائی کے باعث 1998 میں اس اسکول کا درجہ پرائمری تک بڑھایا گیا اور پانچویں جماعت تک کلاسز کا آغاز کیا گیا، بعد میں وقت گزرنے کے ساتھ ساتھ اسٹوڈنٹس کی تعداد بڑھتی گئی اور اسکول پھلتا پھولتا رہا۔ سن 2006 میں برٹش کائونسل کی طرف سے انڈس اکیڈمی کی خدمات کا اعتراف کیا گیا کہ انڈس اکیڈمی اولیول امتحانات کے لیے بچوں کو تیار کرنے والا ایک بہت بڑا ادارہ ہے۔ یہاں طلباء کی پہلی کھیپ 2007 میں اپنے او لیولز کے لیے تیار تھی۔