بیکن ہائوس اسکول سسٹم

بیکن ہائوس اسکول سسٹم دنیا بھر میں اپنی نوعیت کا ایک منفرد اور سب سے بڑا پرائیویٹ اسکول نیٹ ورک ہے جہاں 308000 اسٹوڈنٹس تعلیم حاصل کرتے ہیں۔ اس اسکول کی شاخیں دنیا کے 8 ممالک میں قائم ہیں۔ بیکن ہاؤس اسکول سسٹم نے 1975 میں اپنی معمولی شروعات سے تعلیم کے فروغ کا آغاز کیا جب اس نے لیس اینجس مونٹیسوری اکیڈمی کے نام سے اپنے سفر کی ابتدا کی، اس وقت یہاں صرف 19 کم سن بچے پڑھتے تھے۔ اس کے بعد سے بیکن ہائوس نے ترقی اور کامیابی کے اہم سنگِ میل عبور کیے ہیں اور یہ دنیا کا تیزی سے ابھرتا ہوا پرائیویوٹ اسکولز کا نیٹ ورک بن چکا ہے۔ تعلیم کی دنیا کی ایک بڑی طاقت بننے کے لیے یہ اس کے سفر کا آغاز تھا۔ آج برطانیہ ، ملائیشیا ، فلپائن ، پاکستان ، متحدہ عرب امارات ، عمان ، بیلجیئم اور تھائی لینڈ میں پہلے سے قائم ایک وسیع نیٹ ورک کے ساتھ بیکن ہاؤس دنیا کا سب سے بڑا نجی اسکول نیٹ ورک ہے۔