بیکن ہائوس اسکول سسٹم

بیکن ہائوس اسکول سسٹم پاکستان میں تعلیم کے فروغ کے لیے کام کرنے والا ایک پرائیویٹ اسکول سسٹم ہے جو کم و بیش پورے ملک میں پھیلا ہوا ہے۔ بیکن ہاؤس اسکول سسٹم نے 1975 میں اپنی معمولی شروعات سے تعلیم کے فروغ کا آغاز کیا جب اس نے لیس اینجس مونٹیسوری اکیڈمی کے نام سے اپنے سفر کی ابتدا کی تھی۔ اس کے بعد سے بیکن ہائوس نے ترقی اور کامیابی کے متعدد اہم سنگِ میل عبور کیے ہیں اور یہ دنیا کا تیزی سے ابھرتا ہوا پرائیویٹ اسکولز کا نیٹ ورک بن چکا ہے۔ آج برطانیہ ، ملائیشیا ، فلپائن ، پاکستان ، متحدہ عرب امارات ، عمان ، بیلجیئم اور تھائی لینڈ میں پہلے سے قائم ایک وسیع نیٹ ورک کے ساتھ بیکن ہاؤس دنیا کا سب سے بڑا نجی اسکول نیٹ ورک ہے۔