بیکن ہائوس اسکول سسٹم

بیکن ہائوس اسکول سسٹم دنیا بھر میں اپنی نوعیت کا ایک منفرد اور سب سے بڑا پرائیویٹ اسکول نیٹ ورک ہے جہاں 308000 اسٹوڈنٹس تعلیم حاصل کرتے ہیں۔ اس اسکول کی شاخیں دنیا کے 8 ممالک میں قائم ہیں۔ بیکن ہاؤس اسکول سسٹم نے 1975 میں اپنی معمولی شروعات سے تعلیم کے فروغ کا آغاز کیا جب اس نے لیس اینجس مونٹیسوری اکیڈمی کے نام سے اپنے سفر کی ابتدا کی، اس وقت یہاں صرف 19 کم سن بچے پڑھتے تھے۔ اس کے بعد سے بیکن ہائوس نے ترقی اور کامیابی کے اہم سنگِ میل عبور کیے اور یہ دنیا کا تیزی سے ابھرتا ہوا پرائیویٹ اسکولز کا نیٹ ورک بن چکا ہے۔ بیکن ہائوس اسکول سسٹم آپ کے بچے کی پیدائش سے لے کر اس کی تعلیم مکمل ہونے تک تمام عرصے میں طلباء کو امتیازی اور بامعنی تعلیم فراہم کرتا ہے۔ اس کے ساتھ ساتھ جیمبوری پلے اینڈ میوزک سے لے کر گریجویشن اور پوسٹ گریجویشن تک پاکستان میں کنکورڈیا کالجز اور بیکن ہاؤس نیشنل یونیورسٹی سے شراکت کے ذریعے تعلیم کے فروغ کی کاوشوں میں سرگرم ہے۔