سینٹر آف ایکسی لینس ان مائینرولوجی (سی ای ایم) کا قیام 1974 میں وفاقی حکومت کے گزٹ نوٹیفکیشن کے ذریعے پارلیمنٹ کے 1974 کے ایک ایکٹ کے تحت عمل میں آیا۔ اس سینٹر کو نیو ایجوکیشن پالیسی 1972-80 کے اعلان کے بعد یونیورسٹی آف بلوچستان کے احاطے میں قائم کیا گیا۔

مذکورہ بالا ایکٹ میں سن 1976میں ترمیم کی گئی اور اسے سینٹر آف ایکسیلینس ایکٹ 1976 کا نام دیا گیا۔

سینٹر آف ایکسیلینس ان مائینرولوجی صوبہ بلوچستان میں واقع ہے جس میں معدنیات کی متعدد اقسام، تیل و گیس اور کوئلے کے وسیع ذخائر موجود ہیں۔

اس علاقے کی اہم ارضیاتی خصوصیات میں معدنیات سے بھرپور قیمتی پتھروں کی ایک لمبی پٹی، تانبے اور سونے کے ذخائر، کوہِ سلیمان اور کیرتھر کے پہاڑے سلسلے، مکران کا وسیع اور غیر تلاش شدہ علاقہ جہاں تیل اور گیس کے امکانات موجود ہیں اور تحقیق اور ترقی کے ان گنت مواقع پیش کرتے ہیں۔