اپنے وقت کو قابلِ قدر تحقیقی عمل میں صرف کریں
تحقیق اور ترقی بدعت کی بنیاد پر قائم ہے۔ اپنے وقت اور کوشش کو تحقیق میں لگانے سے اہم مہارت پیدا ہوتی ہے جو زندگی بھر چلتی ہے
بہائوالدین ذکریا یونیورسٹی ملتان میں واقع انسٹیٹیوٹ آف پیور اینڈ اپلائیڈ بائیولوجی کو 1984 میں قائم کیا گیا، اس وقت یہاں بوٹنی اور زولوجی کے ڈویژن کام کر رہے ہیں، جبکہ مستقبل میں اپلائیڈ مائکرو بیالوجی، جینیات اور ماحولیاتی سائنس کے ڈویژنز کے شامل ہونے کی امید ہے۔
اس انسٹی ٹیوٹ کی فیکلٹی میں اعلیٰ تعلیم یافتہ اور قابل اساتذہ شامل ہیں جو متعدد تحقیقی منصوبوں میں شامل رہے ہیں۔
اس وقت اس ادارے میں متعدد تعلیمی پروگرام پیش کئے جا رہے ہیں جن میں بوٹنی، زولوجی اور مائیکروبیالوجی کے شعبے میں 4 سالہ بی ایس پروگرام شامل ہیں جبکہ بوٹنی اور زولوجی کے شعبوں میں 2 سالہ ایم ایس سی، 2 سالہ ایم ایس اور ایم فِل اور پی ایچ ڈی پروگرام پیش کئے جا رہے ہیں۔
یہاں پڑھائے جانے والے تمام مضامین میں تعلیم کا ذریعہ انگریزی ہے۔
اس انسٹی ٹیوٹ کو بین الاقوامی معیار کی عمدہ اور قابلِ قدر تحقیق تیار کرنے میں اچھی ساکھ حاصل ہے۔
حکومت اور خود مختار تنظیموں کی جانب سے ریسرچ کی غرض سے دی جانے والی گرانٹس اور پراجیکٹس کے ذریعہ انسٹی ٹیوٹ میں تحقیقی سرگرمیوں کو مزید بڑھانے کی کوشش کی جارہی ہے۔ اس ادارے کو چندہ اور عطیات دینے والے نامور اداروں میں پی ایس ایف، ایچ ای سی، پی اے آر سی اور اٹلی کا ادارہ ٹی ڈبلیو اے ایس شامل ہے۔
یہ انسٹی ٹیوٹ باہمی تعاون کے ساتھ تحقیقی پروگراموں کے ذریعے بھی اپنی تحقیقی سرگرمیاں ملک کے اندر اور بیرون ملک دیگر سرکردہ سائنسی اداروں کے ساتھ شیئر کرتا ہے۔
- بہائوالدین ذکریا یونیورسٹی، بوسن روڈ۔ ملتان
- 061-9210071
- http://www.bzu.edu.pk/
