حکومتِ پاکستان نے 1976 میں سینٹر آف ایکسیلینس ان واٹر ریسورسز انجینئرنگ (سی ای ڈبلیو آر ای) کو قائم کیا۔

اس ادارے کو ہائر ایجوکیشن کمیشن اور وزارت تعلیم، حکومت پاکستان کے زیرِ انتظام چلنے والے اعلیٰ تعلیم کی فراہمی کے لیے مختص نیم خود مختار ادارے کی حیثیت سے قائم کیا گیا۔ 

 یہ ادارہ تعلیمی طور پر یونیورسٹی آف انجینئرنگ اینڈ ٹیکنالوجی، لاہور سے وابستہ ہے، جو یہاں کے گریجویٹ اسٹوڈنٹس کو ڈگری دیتا ہے۔

سینٹر آف ایکسیلینس ان واٹر ریسورسز انجینئرنگ نے ہائیڈرولوجی (ایچ وائے ڈی) اور واٹر ریسورسز مینیجمنٹ (ڈبلیو آر ایم) کے شعبوں میں 2 ایم فِل ڈگری پروگرامز کا آغاز 1979 میں کیا۔ جس کے بعد واٹر ریسورس انجینئرنگ (ڈبلیو آر ای) کے شعبے میں تیسرے ایم فِل ڈگری پروگرام کا آغاز 1994 میں کیا گیا۔

ہائیڈرولوجی کے ڈگری پروگرام کو ازسرِنَو ترتیب دینے کے بعد اسے انجینئرنگ ہائیڈرولوجی (ای ایچ وائے) کا نام دیا گیا۔

اس کے علاوہ یہاں ایم ایس سی ڈگری کا آغاز واٹر ریسورس مینجمنٹ (ڈبلیو آر ایم) انجینئرنگ ہائیڈرولوجی (ای ایچ وائے) اور واٹر ریسورس انجینئرنگ (ڈبلیو آر ای) کے شعبوں میں کیا گیا۔

اس سینٹر میں سن 2000 میں ہائیڈرو پاور انجینئرنگ (ایچ پی ای) کے شعبے میں چوتھے ڈگری پروگرام کا آغاز کیا گیا اور یہاں پڑھنے والے اسٹوڈنٹس کے لیے پوسٹ گریجویٹ ایم ایس سی ڈگری کی پیش کش کی گئی۔