پاکستان اسٹینڈرڈز اینڈ کوالٹی کنٹرول اتھارٹی حکومتِ پاکستان کی وزارت برائے سائنس وٹیکنالوجی کے ماتحت کام کرنے والا ایک خود مختار ادارہ ہے۔ اس ادارے کا بنیادی مقصد پاکستان میں کوالٹی اسٹینڈرڈز کو قائم اور ریگولیٹ کرنا ہے۔ پی ایس کیو سی اے کے ذریعہ تصدیق شدہ ہر چیز کو پاکستان اسٹینڈرڈز کا لیبل جاری کیا جاتا ہے۔

   اتھارٹی کا بنیادی مقصد قومی معیشت کو آگے بڑھانا ، صنعتی کارکردگی اور ترقی کو فروغ دینا، عوام کی صحت اور حفاظت کو یقینی بنانا ، صارفین کی حفاظت کے ذرائع کے طور پر معیار اور مطابقت کی تشخیص کو فروغ دینا ہے۔ اس کے ساتھ ساتھ یہ ادارہ ملکی اور بین الاقوامی تجارت میں سہولت فراہم کرنے اور بین الاقوامی تعاون سے متعلق معیارات اور صارفین کے مفاد میں ہم آہنگی کی تشخیص میں معاونت پر بھی مامور ہے۔