اپنے وقت کو قابلِ قدر تحقیقی عمل میں صرف کریں
تحقیق اور ترقی بدعت کی بنیاد پر قائم ہے۔ اپنے وقت اور کوشش کو تحقیق میں لگانے سے اہم مہارت پیدا ہوتی ہے جو زندگی بھر چلتی ہے
نیشنل انسٹیٹیوٹ آف اوشینوگرافی
کراچی میں واقع نیشنل انسٹیٹیوٹ آف اوشینوگرافی(این آئی او) سائنس اور تحقیق کا ایک مستند اور خود مختار سرکاری ادارہ ہے، جس کا انتظام وا نصرام منسٹری آف سائنس اینڈ ٹیکنالوجی کے پاس ہے۔
اس ادارے میں ہونے والی علمی اور تحقیقی سرگرمیوں کے لیے وفاقی حکومت کی جانب سے فنڈز فراہم کئے جاتے ہیں جبکہ دیگر سہولیات کی فراہمی کی ذمے داری سندھ حکومت کے ہاتھ میں میں ہے۔
اس ادارے میں اس وقت 30 سائنس دان سمندری یا بحریاتی سرگرمیوں میں ملوث ہیں، ان میں سے 26 سائنس دان بیرون ملک تربیت حاصل کر چکے ہیں اور اب اس قومی ادارے میں خدمات سرانجام دے رہے ہیں، جبکہ 39 معاونین کا اسٹاف ان سائنس دانوں کی مدد اور معاونت کے لیے این آئی او میں موجود ہے۔
کلفٹن کے ساحل پر انسٹی ٹیوٹ کی اپنی ایک عمارت واقع ہے، سمندر میں تحقیقی سرگرمیوں کی غرض سے این آئی او کے پاس ایک بحری جہاز ہے جس کا نام بحر پیما ہے یہ جہاز سمندر میں مختلف نوعیت کی تحقیقی سرگرمیاں انجام دیتا ہے۔
کراچی میں مرکزی لیبارٹریز کے علاوہ این آئی او کے پاس گوادر، بلوچستان کے ساحل پر بھی ایک ریسرچ اسٹیشن موجود ہے۔
این آئی او نے اپنے قیام کی نسبتاً مختصر مدت میں مثبت سرگرمیوں کے لیے اپنے پاس دستیاب محدود وسائل کا زیادہ سے زیادہ اور عمدہ استعمال کیا ہے۔
اس انسٹیٹیوٹ نے سمندری تحقیق سے متعلق متعدد منصوبے شروع کیے، ان کی تکمیل کے لیے رہنمائی کی اور مکمل کیے۔
ان منصوبوں کی تکمیل اور کامیابی میں سمندری صنعت اور سمندری تحقیق کے شعبے میں شامل دیگر قومی اداروں کی مدد اور معاونت بھی شامل ہے۔
- اسٹریٹ نمبر 47، میرین پرومینیڈ۔ کراچی، پوسٹل کوڈ 75600۔
- 021-99251172
- http://www.niopk.gov.pk/
