کراچی میں واقع میریٹائم ٹریننگ انسٹیٹیوٹ کو 1998 میں قائم کیا گیا۔

پاکستان کے اسٹریٹجک سمندری مفادات کے تحفظ کے ساتھ ساتھ تعلیم و تربیت کو فروغ دینے، تربیت کے معیارات اور بحری سرگرمیوں کی سرٹیفیکیشن کے بین الاقوامی کنونشن کی تعمیل کی غرض سے 1978 میں اس اہم ادارے کے قیام کی راہ ہموار کی گئی تاہم 1985 کے آئی ایم او، آئی ایل او کی رہنمائی کی دستاویزات کی روشنی میں 1995 میں اس کے اغراض و مقاصد میں ترمیم کی گئی، جبکہ ادارے کے قیام کا خواب 1998 میں شرمندہِٗ تعبیر ہوسکا۔  

اس نئے سیٹ اپ سے عالمی بحری امور کی طرف میکرو نقطہ نظر اپنایا جاسکتا ہے جو جہاز رانی اور میری ٹائم انڈسٹری کے مفادات کو بہتر طور پر پورا کرے گا۔

میری ٹائم ٹریننگ انسٹی ٹیوٹ نئے آنے والوں اور موجودہ بحری مہم جوئوں کے لیے اپنے کیریئر کی تعمیر اور ترقی کے میدان میں تعلیم اور تربیتی پروگراموں کی ایک جامع رینج فراہم کرتا ہے۔

یہاں تمام کورسز اور تربیتی پروگرام بین الاقوامی تقاضوں کے عین مطابق ہوتے ہیں جو جہاز رانی اور میری ٹائم انڈسٹری کے بدلتے ہوئے تقاضوں کو پورا کرنے کے لئے باقاعدگی سے پیش کیے جاتے ہیں۔

میری ٹائم ٹریننگ انسٹی ٹیوٹ اپنے اسٹوڈنٹس کے لیے تفریحی سرگرمیاں بھی ترتیب دیتا ہے اور سمندری پٹیوں کے لیے فلاحی منصوبوں کا انتظام کرتا ہے۔