اس انسٹی ٹیوٹ کا مقصد بڑے پیمانے پر جدید دور کے حیاتیاتی علوم ، بائیوٹیکنالوجی اور جینیاتی انجینئرنگ کی تربیت فراہم کرنا ہے تاکہ جدید ٹیکنالوجی کے استعمال سے صحت ، صنعتی اور زراعت کے شعبوں میں تکنیکی اختراعات کے ذریعے پاکستان کے شہریوں کی معاشی بہبود کو بہتر بنایا جا سکے۔

حیاتیاتی سائنسز میں نئی سرحدوں کے تانے بانے بائیوٹیکنالوجی اور جینیاتی انجینئرنگ کی ترقی سے جُڑے ہوئے ہیں۔ چونکہ سائنس کے میدان میں کامیابیوں کا مستقبل ماضی کی تاریخ سے اُگتا ہے اس لیے اس کی عکاسی موجودہ کوششوں میں نظر آتی ہے۔ اس کی عکاسی کی ایک جھلک جامعہ کراچی میں واقع کراچی انسٹی ٹیوٹ آف بائیوٹیکنالوجی اور جینیٹک انجینئرنگ (کے آئی بی جی ای) کی صورت میں نظر آتی ہے۔

یہ انسٹی ٹیوٹ بین الاقوامی معیار کا ایک تعلیمی ادارہ بننے کے لیے کوشاں ہے جسے یہ ذمے داری سونپی گئی ہے کہ وہ بنیادی اور اطلاق شدہ تحقیق کے انعقاد اور جدید بایو ٹیکنالوجی اور بائیو میڈیکل سائنسز کے شعبوں میں اپنے اسٹوڈنٹس کو تعلیم فراہم کرے۔