یونیورسٹی آف کراچی اور ہائیر ایجوکیشن کیشن آف پاکستان کی معاونت سے ہیلوفائٹس (نمکین زمین میں قُدرتی طور پر اُگنے والے پودے) کی صلاحیت اور افادیت کے بارے میں تحقیق کے لیے ایک وسیع سہولت کے قیام کا خاکہ تیار کیا گیا تھا اور اسی وجہ سے ہیلوفائٹ کے پائیدار استعمال کی غرض سے تحقیق کو وسعت دینے کے لیے انسٹی ٹیوٹ آف سسٹین ایبل ہیلوفائٹ یوٹیلائزیشن کا قیام عمل میں آیا۔

اس انسٹی ٹیوٹ میں ہونے والی تحقیق بنی نوع انسان کے فائدے کے لیے ہیلوفائٹس کی نشوونما اور کاشت کاری کے امکانات، صلاحیت اور پائیداری کا کھوج لگائے گی اور ان پودوں میں نمک کی مقدار کے طریقہ کار کو سمجھنے کے لیے ایک جامع نقطہ نظر پر توجہ دے گی۔