عوامی صحت کے شعبے میں قابلِ قدر سرگرمیاں انجام دینے والا نیشنل انسٹیٹیوٹ آف ہیلتھ ملک کے انتہائی باوقار اور قابلِ قدر انسٹیٹیوشنز میں شامل ہے جو گزشتہ 40 سال سے صحتِ عامہ سے متعلق کثیر الشعبہ سرگرمیوں میں خدمات انجام دے رہا ہے جن میں تشخیصی خدمات ، تحقیق اور مختلف ویکسینز کی تیاری شامل ہے۔ ایک خودمختار ادارے کی حیثیت سے ابھرنے کے بعد سے این آئی ایچ نے لیبارٹری کی تشخیص، حیاتیاتی مینوفیکچرنگ ، فوڈ اینڈ ڈرگ کوالٹی کنٹرول ، ریسرچ اینڈ ڈیولپمنٹ اور تربیت کی سہولیات کے میدان میں قابلِ قدر پیشرفت کی ہے۔ اپنے قیام کے بعد سے این آئی ایچ نے صحت کے شعبے میں قابلِ ستائش خدمات سر انجام دی ہیں۔ خاص طور پر انسٹی ٹیوٹ کے مفادات اور عام طور پر عوام کے مفادات کے لئے انسانی وسائل کی ترقی اور صلاحیت کو بڑھانے پر بھی زور دیا گیا ہے۔