ایگریکلچر بائیوٹیکنالوجی ریسرچ انسٹیٹیوٹ کو ایک ڈیولپمنٹ پراجیکٹ کے طور پر دسمبر 1987 میں قائم کیا گیا، تاہم 1994 میں اسے نان ڈیولپمنٹ سائیڈ پر منتقل کردیا گیا اور اس کی گنجائش میں ترقیاتی منصوبوں کی ایک سیریز کے نفاذ کے ساتھ اضافہ کیا گیا۔

آج یہ ادارہ اناج، فائبر دینے والی فصلوں، گنے، چارہ، روغنی بیجوں، دالوں کی مختلف اقسام اور سبزیوں سمیت بہت ساری فصلوں پر تحقیقی کام کر رہا ہے۔

یہاں ٹرانسجینک پلانٹس کی ترقی، بائیوٹیک فصلوں کی جانچ اور بیماریوں سے پاک بیجوں میں اضافے جیسے مختلف پہلوؤں پر عمل کیا جا رہا ہے۔

یہ انسٹی ٹیوٹ ایسے فائدہ مند جرثوموں پر بھی تحقیق کرتا ہے جو پودوں کی افزائش پر مثبت اثرات مرتب کرتے ہیں جبکہ مٹی کی زرخیزی کی بحالی کے لیے نمو پذیری میں اضافے کا باعث بننے والے ہارمون تیار کرنا بھی اس ادارے کا ایک اہم کام ہے۔