معاشرے کو بہتر کرنے میں آپ کی مدد گار
ہم آپ کو مقامی اور بین الاقوامی پلیٹ فارم پر مواقع فراہم کرتے ہیں کہ آپ دنیا میں جس طرح کی تبدیلی دیکھنا چاہتے ہیں اس میں اپنا کردار ادا کریں اور دنیا پر آج ہی اپنا مثبت اثر ڈالیں۔
پاکستان کولیشن فار ایجوکیشن ہر قسم کے صنفی اور نسلی امتیازات سے بالا تر ہو کر ہر کسی کے لیے مفت اور معیاری تعلیم کی فراہمی کے لیے کوشاں ہے۔ صنفی امتیازات، مذہبی عقائد اور طبقاتی تفریق سے ہٹ کر پاکستان کولیشن فار ایجوکیشن کا مقصد ملک میں صبر و تحمل، برادشت، رواداری، امن، جمہوریت، انصاف اور تحفظ کو یقینی بنانا ہے۔
پاکستان کولیشن فار ایجوکیشن کا قیام ایس اے کیو ای کی ایما پر عمل میں آیا جو کہ کثیر الجہتی درجات پر کام کرتا ہے۔
یونینل کونسل اور ضلعی سطح پر یہ ادارہ 3 ہزار سے زائد کمیونٹی ممبرز کو مختلف ذمے داریاں تفویض کر کے انہیں متحرک کرتا ہے۔
اس ادارے کے تحت 20 اضلاع میں عوامی مظاہروں کے ذریعے آر ٹی ای کے نفاذ کے لیے کمیونٹی ممبرز سے کام لیا جاتا ہے۔
صوبائی سطح پر اس ادارے نے مشاورتی عمل کے ذریعے ایک ایجوکیشن سیکٹر پلان ایکشن گروپ (ای ایس پی اے جی) تشکیل دیا ہے جس کا مقصد مفت اور معیاری تعلیم فراہم کرنا ہے۔
اسی طرح، قومی اور بین الاقوامی سطح پر پالیسی سازی اور پالیسی پر تبادلہ خیال کے لیے اس ادارے کے نمائندگان، یو پی آر کے اجلاسوں سے قبل ہونے والی مشاورتی میٹنگز میں شامل ہوتے ہیں اور اپنے نقطہ نظر سے آگاہ کرتے ہیں۔
- آفس نمبر 27۔ سیکنڈ فلور العنایت مال۔ جی 11 مرکز، اسلام آباد۔
- 051 2112460-2
- https://www.pcepak.org/
