برینز انسٹیٹیوٹ پشاور

خیبر پختونخوا کی پارلیمنٹ سے 2016 میں ڈگری ایوارڈنگ انسٹیٹیوشن کا درجہ پانے والے برینز انسٹیٹیوٹ کو 1993 میں کے پی کے، کے دارالحکومت پشاور میں قائم کیا گیا۔ برینز انسٹیٹیوٹ نے ابتدائی طور پر بی ایس سی ان کمپیوٹر، شماریات اور ریاضی میں روایتی تعلیم دینے سے آغاز کیا تھا۔ اس ادارے کے قیام کے پہلے دن سے ہی یہ مقصد تھا کہ ٹیکناکوجی کے شعبے میں لوگوں کو تعلیم سے آراستہ کیا جائے اسی شعبے میں یہاں طلبا کئی سال تک انڈر گریڈ پروگرامز تک پڑھتے رہے تاہم 2000 میں برینز انسٹیٹیوٹ نے پشاور یونیورسٹی کے الحاق سے کمپیوٹر سائنس کے شعبے میں ایم ایس سی پروگرام کا آغاز کیا۔ اس ادارے کے منتظمین کا کہنا ہے کہ خیبرپختونخوا میں آئی ٹی کی تعلیم کا عام کرنا ان کا اصل مقصد ہے۔