پاکستان انٹرنیشنل پبلک اسکول اینڈ کالج

ایبٹ آباد میں واقع پاکستان انٹرنیشنل پبلک اسکول اینڈ کالجز بنیادی طور پر انگلش میڈیم اور ریزیڈینشل ایجوکیشنل انسٹیٹیوٹ ہے جسے این ڈبلیو ایف پی کی ایک سرکاری باڈی پاکستان ایجوکیشن ایسوسی ایشن کے تحت قائم کیا گیا۔ ایسوسی ایشن نے فروغِ تعلیم کے لیے اپنے اقدامات کا آغاز ایبٹ آباد سے 1983 میں کیا۔ اپنے آغاز میں اس ادارے نے صرف پریپ کلاس سے چھٹی جماعت تک بچوں کو داخل کیا تاہم 1989 سے اسے ترقی دے کر اس کا دائرہ کار ایف ایس سی اور سینئر کیمبرج (ایس سی) تک بڑھادیا گیا۔ اب اس ادارے کے تحت چار انسٹیٹیوشنز کام کررہے ہیں جن میں دو ہائی اسکول اور دو کالج شامل ہیں۔ گرلز کالج میں ایف اے تک تعلیم دی جاتی ہے۔ اس کے بعد ، اس کی جڑواں ایسوسی ایشن نے اسی طرح کی تعلیم کی سہولیات کے ساتھ گوجرانوالہ میں اسکول کی ایک شاخ کھولی جو ترقی کرتی ہوئی 2001 میں ایک کالج بن گئی۔